ଜଳବାୟୁ ପରିବର୍ତ୍ତନ ଓ ବିଶ୍ୱ ତାପାୟନ ଭଳି ବଡ଼ ଆହ୍ୱାନକୁ ମୁକାବିଲା କରିବା ପାଇଁ ବରଗଡ଼ ଜିଲ୍ଲା ବିଜେପୁର ବ୍ଲକ୍ ଅନ୍ତର୍ଗତ ପଧାନପଡ଼ା (ତାଳପଦର)ର ଆଦର୍ଶ କ୍ଲବ୍ ପରିବେଶ ସୁରକ୍ଷା ଦିଗରେ ନିରନ୍ତର କାର୍ଯ୍ୟ କରିଆସୁଛି।
କୌଣସି ସରକାରୀ ସହାୟତା କିମ୍ବା ବାହ୍ୟ ଚାନ୍ଦା ଉପରେ ନିର୍ଭର ନକରି, କ୍ଲବ୍ର ଯୁବ ସଦସ୍ୟମାନେ ସମ୍ପୂର୍ଣ୍ଣ ନିଜସ୍ୱ ଖର୍ଚ୍ଚରେ (Pocket Money ବଞ୍ଚାଇ) ଏହି ବିଶାଳ ସବୁଜ ବିପ୍ଳବ ଆରମ୍ଭ କରି ଏକ ଉଦାହରଣ ସୃଷ୍ଟି କରିଛନ୍ତି।
ଆମ କାର୍ଯ୍ୟକ୍ରମର ମୁଖ୍ୟ ଝଲକ
ବର୍ତ୍ତମାନର ସଫଳତା
ତାଳପଦର ଗ୍ରାମର ମୁଖ୍ୟ ରାସ୍ତା ହାଇସ୍କୁଲ ପଡ଼ିଆଠାରୁ ଆରମ୍ଭ କରି ଆମ୍ବଛକ ପର୍ଯ୍ୟନ୍ତ ଦୀର୍ଘ ୩ କିଲୋମିଟର ରାସ୍ତାର ଉଭୟ ପାର୍ଶ୍ୱରେ ପ୍ରାୟ ୬୦୦ଟି ବିଭିନ୍ନ ପ୍ରଜାତିର ବୃକ୍ଷରୋପଣ ସଫଳତାର ସହ କରାଯାଇଛି।
ଆଗାମୀ ଲକ୍ଷ୍ୟ
ଏହି ସଂଖ୍ୟାକୁ ଆଗାମୀ ଦିନରେ ୧୦୦୦ରେ ପହଞ୍ଚାଇବା ପାଇଁ କ୍ଲବ୍ ସଂକଳ୍ପବଦ୍ଧ।
ଯତ୍ନ ଓ ସୁରକ୍ଷା
କେବଳ ଗଛ ଲଗାଇବା ନୁହେଁ, ବରଂ ସେଗୁଡ଼ିକର ନିୟମିତ ପାଣି ଦେବା ଏବଂ ସୁରକ୍ଷା ଉପରେ କ୍ଲବ୍ର ସଦସ୍ୟମାନେ ନିଷ୍ଠାର ସହ ଦାୟିତ୍ୱ ତୁଲାଉଛନ୍ତି।
ଗଛ ଲଗାଅ, ଜୀବନ ବଞ୍ଚାଅ